قصتي مع ابو جهل

موضوع: قصتي مع ابو جهل السبت ديسمبر 15, 2007 7:49 pm

السلام عليكم ورحمه الله وبركاته

في مساء جميل ومشرق ومعطر برائحه الفل والياسمين ورائحه الدخان بينما انا ممدد على فراشي وأحلام اليقضه تراودني << قسم ذي قويه من وين جايبها ؟؟
وانا راكب البنتلي حقي العودي وماسك طريق الملك فهد ومشغل سعد جمعه ( خلف السوار )<<< ابوك يالجو
وعايش جو وأسمع اهاجيس قلبي التعيس وأتذكر ايام عبله وعنتر يوم عنتر يجي مسرع ويقول أي لوف يو أبله وهي تقوله مي توو
خطرت لي فكره <<< لا وتفكر ماشاء الله .. ألا وهي :
لماذا لااسدح لكم قصه واشارك في مسابقتكم لعل وعسى احصل على وسام
جلست افكر وش اكتب لكم قلت مالها إلا قصتي انا وسعيد المهفه
(( نبذه عن حياة سعيد :: انسان عاطل باطل لا شغل ولامشغله متخرج من ثالث ابتدائي ليلي متخرج بالدف وناشب لي 24 ساعه معي مكان مااروح
حتى بعض مرات انام واصحى احصله نايم جمبي ومره دخلت الحمام اعزكم الله وانا داخل إلا واسمع صور ألتفتت إلا وهو
سعيد النشبه جاي وراي بس انا تفاديت الموقف وطردته شر طرده طلع مايستحي الوسخ ))

المهم عاد قصتنا الله يسلمكم ذاك اليوم انا وهو كنا جالسن ا في المجلس وانا جالس اطقطق على النت إلا
شوي وسعيد ناط علي ويبوس راسي ويدي حتى اذكر انه باس رجلي ويقولي تكفى ياصموووت تكفى وانا ماادري وش السالفه
المهم انا قلت له خير وش فيه تراك خرعتني قالي يااخي الحين وانا جالس وانت جاحدني
ومقابل النت مسكت معي وألفت قصيده << تكفى يا امرؤ القيس
وأبغاك تنزلها في النت
حلف بالله إلا انزلها له في المنتدى قلت له تكفى ياشيخ يرحملي والديك لاتفكر حتى تسمع شعر اما عاد تألف لا وتبيني انزلها لك في المنتدى
قالي انا حلفت إلا تنزلها وإلا تنزلها وإلا ترى بأنتحر انا يوم قالي بأنتحر صراحه فرحت لانه بيفك الأمه العربيه والإسلاميه والعالميه
من شره وبيرتاحون من هم كبير على قلوبهم وعلى قلبي وفي نفس الوقت تذكرت امه والله ياانها بتبكي عليه لانه وحيدها
مسكينه بتقطع قلبي بالبكا عليه
وفي وقت ماكنا انا وهو جالسين نتحالف انه هو بينزل القصيده وانا معيي
رجعت بي الذاكره (( ياشيخ روح معاك ذاكره 32 وتتذكر انت ووجهك )) المهم تذكرت يوم ماكان المتنبي وابو جهل جالسين
في مجلس ابوجهل <<< اللي في آخر الحاره . وانا دخلت عليهم وابو جهل جالس يعسل << ايه هين .. ويقول للمتنبي قصيده ألفها <<< هو قالي انا مالي دخل لا احد ينط على ويقول انت نصاب << الله من الدلاخه
المهم انا دخلت وابو جهل يقول يامدور الهين ترى الكايد احلى ... ادفن زكرياتك واشطبه من حياتك وماتبصش لتحت <<< قسم اني خقيت مع البيت قصتي مع ابو جهل Graaam%20(87)

انا على طول قاطعته وقلت له ياابا جهل <<< قلب سعودي عايش في العصر الجاهلي قصتي مع ابو جهل Graaam%20(262)

.. ترى مالها داعي جالس تنصب على خوينا السبهه ذا المتنبي
رد علي : اطلع منها انت ياابا جندبه <<< يفكرني واحد من الشله حقهم خخخخخخ قصتي مع ابو جهل Graaam%20(14)

رديت انا عليه وقلت : بعدين ترى يأبا جهل << متأثر بأبو جهل قصتي مع ابو جهل Graaam%20(262)

الظاهر انك سرقتها لأن هذي قصيده المرحوم طلال مداح <<< قصتي مع ابو جهل Graaam%20(100)

فنظر إلى نظرةً تدل على غضبه قصتي مع ابو جهل Graaam%20(75)

ونهض من على كنبته وقال لي : خسئت ياابا جندبه انا لست سارقا
وهذه ألفتها قبل دقائق وسويعات وأنا متكي على الكنبه
فنهض المتنبي (( لانه كان جالس بجمب ابو جهل كان يصلح له الفحم حق المعسل ))
وامسك بي وقال : ترى ياصموووت مالك داعي زعلت عمنا أبا الشباب (( ابوك ياللغه )) أنا عارف ان القصيده لنوال الزغبي بس انت عارف ان هذا أبا جهل عصبي ومايتفاهم حتى ترى ماعرفك ويظن انك واحد من الشله حقهم
فإلتفتُ إليه قائلاً (( قسم في تي تلقفها تاك انه خاف مني )): أطلع منها يأبو على (( طلع المتنبي ولده الكبير اسمه علي !!! تصدقون ؟؟ قصتي مع ابو جهل Graaam%20(100)

))
وأترك لي أبا جهل
فقلت يأبا جهل : ترى حقوق الطبع محفــ......
وماامداني اكمل كلمتي إلا وجاني المعسل ماشي 220 (( حشى ماهو معسل هذي كامري )) مدري من وين وما حسيت بنفسي
إلا وانا ممدد على الفرش
طلع الخسيس سعيد رماني بالطفايه جالس ينادي فيني وانا مسرح اتذكر موقفي مع ابو جهل

ادري انها بايخه بس وش اسوي

:

مايستفاد من الموضوع
1 _ لاتجحد خويك وتتركه لوحده لانه امكن يوسوس ويتهور ويفكر يحتل بريطانيا وخاصه اذا كان زي سعيد النشبه
2 _ انتبه لاتسرح وانت في وسط هواش لان الطرف الثاني يمكن ينقهر ويتهور ويرد الصاع صاعين وتقول صمووووت قالي
3 _ حقوق النسخ محفوظه يعني لايجني بكره واحد ويقولي ترى اغنيه نانسي عجرم . شخبط شخابيط . انا ألفتها ترى
والله لأورطه مع الإتحاد السوفيتي للبولينق
4_ صراحه قصص زي ذي تحتاج صور كثيره وانتوا مخصصين لنا 15 يوووه ماتكفي .. يعني شوفوا حل <<< يلمح خخخخخخ
5_احلى ورده للي بيرد على الموضوع واحلى ورده للي قام على انشاء المسابقه قصتي مع ابو جهل Graaam%20(141)